بی جے پی کے سینئر رہنما جاوید قریشی نے آج پارٹی کارکنوں کے ہمراہ ہندواڑہ میں اپنی رہائش گاہ سے انورنامنٹ ہال تک ایک احتجاجی ریلی نکالی۔
انہوں نے کہا 1990 میں کشمیری پنڈتوں کا انخلا ہوا تھا جبکہ 21 برس گذرنے کے باوجود خاطیوں کو سزا نہیں دی گئی اور کشمیری پنڈتوں کی واپسی کے لیے حکومت نے بھی آج تک کوئی قدم نہیں اٹھایا ہے۔
جاوید قریشی نے کہا کہ کشمیری بنڈتوں کی بات کسی حکومت یا رہنما نے نہیں سنی۔ پنڈتوں کے انخلاء کے ذمہ دار حریت رہنماؤں اور حزب مجاہدین سے وابستہ عسکریت پسندوں کو آج تک سزا نہیں دی گئی۔ انہوں نے مرکزی حکومت سےپنڈتوں کی وطن واپسی کو یقینی بنانے کا مطالبہ کیا۔ ان کا کہنا تھا کہ پنڈتوں کے بغیر کشمیر ادھورا ہے۔ لہذا ان کی واپسی کو عملی جامہ پہنایا جائے۔
انہوں نے سیاہ رنگ کے کپڑے زیب تن کر کے ہندواڑہ میں احتجاجی ریلی نکالی جس میں سینکڑوں بی جے پی کارکنوں نے بھی سیاہ رنگ کے کپڑوں پہنے ہوئے تھے۔ اس موقع پر جاوید قریشی نے کہا کہ وہ ہمیشہ کشمیری پنڈتوں کی واپسی کے لیے آواز بلند کرتے رہیں گے۔