کپوارہ پولیس کی جانب سے جاری کئے گئے بیان میں کہا گیا ہے ضلع کے ہتمولہ علاقے میں منشیات سے متعلق موصولہ اطلاع پر کارروائی کرتے ہوئے پولیس چوکی ہتمولہ کے نزدیک ایک ناکہ قائم کیا گیا۔
کپوارہ پولیس کے مطابق گاڑیوں کی چیکنگ کے دوان ایک کار زیر رجسٹریشن نمبر DL1ZA-2804 کو روک کر تلاشی لی گئی۔
پولیس کے مطابق گاڑی میں سوار ایک مقامی شخص کی تحویل سے قریب 48 گرام براؤن شوگر بر آمد کرکے اسے گرفتار کر لیا گیا۔
کپوارہ پولیس نے حراست میں لیے گئے شخص کی شناخت لدرون، کاوار علاقے سے تعلق رکھنے والے گلزار احمد بابا ولد ولی محمد بابا کے طور پر کی ہے۔
مزید پڑھیں:اوڑی: ایل او سی پر 30 کروڑ کی منشیات ضبط
اس ضمن میں ایف آئی آر نمبر 373/21، u/sec 8/21 NDPS 22/11/2021 کو پولیس اسٹیشن کپوارہ میں درج کرکے مزید تحقیقات شروع کی گئی ہے۔
کپوارہ پولیس کی جانب سے منشیات کا قلع قمع کرنے کی کارروائی کی عوامی حلقوں نے سراہنا کی ہے۔ وہیں کپوارہ پولیس نے لوگوں سے اپیل کی ہے کہ وہ منشیات کے استعمال یا کاروبار سے متعلق تمام معلومات کو حکام تک پہنچائیں۔
