Mehbooba on Delimitation Report: جموں و کشمیر میں مسلم اکثریت کو اقلیت میں تبدیل کرنے کی کوشش، محبوبہ مفتی

محبوبہ مفتی نے حد بندی کمیشن کی رپورٹ پر ردعمل ظاہر کرتے ہوئے کہا کہ یہ رپورٹ اسی عمل کا حصہ ہے جو 5 اگست 2019 کو جموں و کشمیر کی خصوصی حیثیت ختم کرنے سے شروع ہوا۔ Mehbooba on Delimitation Report

سرینگر:پی ڈی پی سربراہ محبوبہ مفتی نے حد بندی کمیشن کی رپورٹ پر ردعمل ظاہر کرتے ہوئے کہا کہ بی جے پی جموں و کشمیر میں مسلم اکثریت کو اقلیت میں تبدیل کرنے کی کوشش کر رہی ہے۔ انہوں نے مزید کہا کہ حد بندی کمیشن کی رپورٹ 5 اگست 2019 کو شروع ہونے والے عمل کا حصہ ہے۔ جموں و کشمیر کی خصوصی حیثیت کو ختم کرنے والی بی جے پی اب اس خطے میں آبادی کے تناسب کو تبدیل کر رہی ہے۔ Mahbooba Mufti on BJP

پی ڈی پی سربراہ نے میڈیا کے نمائندوں سے بات کرتے ہوئے کہا کہ یہ سب کچھ اس لیے کیا جا رہا ہے کہ اس حد بندی کے عمل کو استعمال کرتے ہوئے مسلم اکثریتی ریاست کو مسلم اقلیتی ریاست میں بدل دیا جائے۔ محبوبہ نے مزید کہا کہ موجودہ حالات کو مدنظر رکھتے ہوئے جہاں لوگوں کو بحران کا سامنا ہے، الیکشن کرانا کوئی آپشن نہیں ہے۔ محبوبہ مفتی قیصر جمشید کے اہل خانہ کی تعزیت پُرسی کے لیے سوگام کپواڑہ گئی تھیں۔ لون خاندان کے ساتھ یکجہتی کا اظہار کرتے ہوئے پی ڈی پی کی سربراہ نے مرحوم کی روح کے سکون اور سوگواروں کو یہ صدمہ برداشت کرنے کے لیے دعا کی۔ Mehbooba on Delimitation Report