کپواڑہ: محکمہ ٹرانسپورٹ کے افسران کے خلاف اے سی بی کا چھاپہ، 15 لاکھ برامد

اے آر ٹی او مختار احمد صوفی، محکمہ ٹرانسپورٹ کے افسران خورشید کنا اور ایجنٹ عبدالحمید بٹ بشمول بلال احمد شیخ کے خلاف اے سی بی نے کارروائی کرتے ہوئے ان کے گھر سے 15 لاکھ روپے کی نقدی اور جالی لائسنس اور دیگر دستاوزات ضبط کرلئے۔

مرکز کے زیر انتظام جموں و کشمیر کے کپوارہ میں اے آر ٹی او مختار احمد صوفی، محکمہ ٹرانسپورٹ کے افسران خورشید کنا اور ایجنٹ عبدالحمید بٹ بشمول بلال احمد شیخ کے خلاف اے سی بی نے کارروائی کرتے ہوئے ان کے گھر سے 15 لاکھ روپے کی نقدی اور جالی لائسنس اور دیگر دستاوزات ضبط کرلئے۔

اطلاعات کے مطابق اینٹی کرپشن بیورو کی جانب سے خلاصہ کیا گیا ہے کہ اے آر ٹی او کپواڑہ کو غیر قانونی کاموں میں ملوث پایا گیا ہے۔ جعلی لائسنس، آڈٹ کی منظوری، رجسٹریشن اور پرنٹ کارڈ بنا کر لوگوں کو بیوقوف بنایا جا رہا تھا۔

سرپرائز چیک کے دوران ملزم بلال احمد شیخ ولد ولی محمد شیخ ساکنہ ویلگام اسسٹنٹ ریجنل ٹرانسپورٹ آفس کو ڈرائیونگ ٹیسٹ کروانے میں فعال طور پر ملوث پایا گیا۔

بلال احمد شیخ کی ذاتی کار زیر نمبر JK01R-4373 کی تلاشی کے دوران 138 اصل ڈرائیونگ لائسنسوں کی بازیابی کے علاوہ مختلف دیگر مجرمانہ مواد جیسے ڈرائیونگ ٹیسٹ کے لیے عارضی اپائنٹمنٹ سلپس، اپلیکیشن ریفرنس سلپس، گاڑی کی نئی کلاس کے اضافے کے لیے درخواست، ٹرانسپورٹ پلانز، لرنرز لائسنس و دیگر طرح کے کاغذات برآمد ہوئے۔

اس افسران کے خلاف ایف آئی آر نمبر 09/2021 P/S ACB بارہمولہ u/s میں بدعنوانی کی روک تھام ایکٹ 1988 کے تحت مقدمہ درج کیا گیا۔

اس سلسلے میں مزید تحقیات جاری ہے ۔