ٹریڈرس یونین اور اوقاف کمیٹی کی میٹنگ

ریاست جموں و کشمیر کے ضلع کولگام میں ٹریڈرس یونین اور اوقاف کمیٹی کی جانب سے ایک خصوصی میٹنگ کے بعد پریس کانفرنس کی گئی۔

اس میٹنگ کے ذمہ داران نے الزام عائد کیا کہ علاقے کے دکاندار ریاست کے ناسازگار حالات کا فائدہ اُٹھا رہے ہیں۔

ان کا کہنا تھا کہ ناسازگار حالات کو مدنظر رکھتے ہوہے دکانداروں کو رعایتی داموں میں ضروریات زندگی کی اشیاء عام قیمت میں فروخت کرنا چاہئے تھی تاہم وادی کشمیر میں گنگا الٹی بہہ رہی ہے۔ یہاں خورد و نوش کی اشیا مثلاً گوشت، چاول، تیل اور کھانے پینے کی اشیاء کی قیمتوں میں زبردست اضافہ کردیا گیا ہے، جس سے عام لوگ بے حد پریشان ہیں۔

پریس کانفرنس میں اس بات کا بھی خلاصہ کیا گیا کہ انتظامہ کی جانب سے منافع خوروں اور ذخیرہ اندازوں کے خلاف کوئی کارروائی عمل میں نہی لائی جارہی ہے۔

پریس کانفرنس میں ضلع ترقیاتی کمشنر کولگام سے اپیل کی گئی کہ وہ ایک ٹیم تشکیل دیں تاکہ غریب لوگوں کو اس مصیبت سے نجات مل سکے۔