کشمیر کے سابق نائب وزیر اعلیٰ کا بی جے پی کارکن جاوید احمد ڈار کے اہل خانہ سے اظہارِ تعزیت

بی جے پی سینئر رہنما اور سابق نائب وزیر اعلیٰ ڈاکٹر نرمل سنگھ نے برازلو جاگیر کولگام کا دورہ کیا اور بی جے پی کارکن جاوید احمد ڈار کے اہل خانہ سے تعزیت کا اظہار کیا۔ ان کے ہمراہ بی جے پی ترجمان الطاف ٹھاکر، رفیق وانی اور عابد حسین خان سمیت کئی رہنما موجود تھے۔

اس دوران انہوں نے میڈیا نمائندوں سے کہا کہ آئے دن بی جے پی کارکنان کا قتل کیا جارہا ہے جو کہ باعثِ تشویش ہے'۔ انہوں نے حکومت اور انتظامیہ سے اس معاملہ کو اٹھانے کی یقین دہانی کرائی'۔

واضح رہے کہ کل نامعلوم بندوق برداروں نے جاوید کو ان کے گھر میں گولی مارکر ہلاک کیا۔ ڈاکٹر نرمل سنگھ نے کہا کہ دو برس کے اندر بھارتیہ جنتا پارٹی کے 23 کارکنان کو ہلاک کیا گیا۔

انہوں نے کہا کہ 'ان کی شہادت ضرور رنگ لائے گی، جو لوگ کشمیر کی بات کرتے ہیں ان کو ہی نشانہ بنایا جارہا ہے۔