Kulgam Encounter: کولگام انکاؤنٹر ختم، ایک عسکریت پسند اور سکیورٹی اہلکار ہلاک، پانچ زخمی

کولگام انکاونٹر ختم ہوگیا۔ پاری ون میں سکیورٹی فورسس اور عسکریت پسندوں کے درمیان ہوئی جھڑپ میں ایک عسکریت پسند اور ایک سکیورٹی اہلکار ہلاک جب کہ 3 فوجی اہلکاروں سمیت پانچ لوگ زخمی ہوگئے۔

جموں و کشمیر میں کولگام کے پاری ون میں سکیورٹی فورسز اور عسکریت پسندوں کے درمیان ہوئی جھڑپ میں ایک سکیورٹی اہلکار سمیت ایک عسکریت پسند ہلاک ہوگیا جبکہ 3 فوجی جوان اور 2 عام شہری بھی زخمی ہوگئے۔

تفصیلات کے مطابق جنوبی کشمیر کے پاری ون کولگام علاقے میں رات دیر گئے سکیورٹی فورسز کو عسکریت پسند کے چھپے ہونے کی اطلاع موصول ہوئی تھی جس کے بعد علاقے کا محاصرہ کیا گیا۔ اس دوران سکیورٹی فورسز اور عسکریت پسندوں کے درمیان جھڑپ کا آغاز ہوا جس میں کولگام پولیس کے اسپیشل آپریشن گروپ کا ایک کانسٹبل ہلاک ہوگیا۔ جھڑپ میں دیگر 3 فوجی جوان زخمی ہوئے جنہیں فوری طور پر آرمی ہسپتال منتقل کیا گیا۔

زخمی فوجی اہلکاروں کی شناخت سپاہی سنیل، ارجن اور امن دیپ کے طور پر کی گئی۔ چھڑپ میں دو مکان پوری طرح تباہ ہوگئے جبکہ جھڑپ کے بعد دو عام شہری بھی زخمی بتائے جا رہے ہیں۔ انکاؤنٹر ختم ہو گیا ہے۔