کولگام: شجر کاری مہم کا آغاز

جموں و کشمیر کے تحصیل لیگل سروسز کمیٹی دمحال ہانجی پورہ کی جانب سے شجر کاری مہم کا آغاز کیا گیا جس میں طالبات نے بڑی تعداد میں شرکت کی۔

تحصیل لیگل سروسز کمیٹی کے چیرمین مزمل احمد وانی نے منصف کورٹ کے احاطے سے شجر کاری مہم کا آغاز کیا۔ان کے ہمراہ وکلا اسوسیئشن کے ارکان بھی موجود رہے۔

اس مہم کے دوران گورمنٹ گرلز ہائی اسکول دمحال ہانجی پورہ کی طالبات بھی موجود رہیں۔

یہ مہم منصف کورٹ دمحال ہانجی پورہ سے شروع ہوئی اور گورمنٹ گرلز ہائی اسکول دمحال ہانجی پورہ کے آحاطے میں اختتام پزیر ہوئی۔

اس موقعے پر چیئرمین تحصیل لیگل سروسز مزمل احمد وانی بچوں سے خطاب کرتے ہوئے کہا کہ شجر کاری سے ماحولیات میں آلود گی سے نجات ملے گی اور دوسری بات ہماری آنے والی نسل بھی آلودگی سے پاک رہے گی۔