عارضی پل بہہ جانے سے مشکلات کا سامنا

ریاست جموں وکشمیر کے ضلع کولگام علاقہ میں آڈیجن دمحال میں ارضی پل کے بہہ جانے سے سب ضلع دمحال ہانجی پورہ کے ہزاروں لوگوں کو سخت مشکلات کا سامنا کرنا پڑرہا ہے۔

وادی میں گزشتہ ماہ مسلسل بارش کی وجہ سے دریا میں پانی میں اضافہ ہوگیا تھا جس کی وجہ سے دمحال ہانجی پورہ کے ضلع ہیڈ کواٹر کولگام سے جوڑنے والا عارضی پل بہہ گیا۔

جس کے سبب گذشتہ ایک ماہ سے ہزاروں لوگوں کو 9 کلومیٹر کے بجائے 19 کلومیٹر کا سفر کرکے اپنے منزل تک پہنچنا پڑتا ہے۔

دوسری جانب شبنم سومو اسٹینڈ دمحال ہانجی پورہ کے ڈرائیوروں نے آڈیجن پر احتجاج کیا اور موجودہ گورنر انتظامیہ سے اپیل کی ہے کہ جلد از جلد دمحال آڈیجن پل کو دوبارہ تعمیر کیا جائے تاکہ سب ضلع دمحال ہانجی پورہ کے لوگوں کو مشکلات سے نجات مل سکے۔