کولگام: نامعلوم عسکریت پسندوں نے غیر ریاستی مزدور کو کیا ہلاک

جنوبی کشمیر کے ضلع کولگام کے نیہامہ علاقہ میں نامعلوم عسکریت پسندوں نے ایک غیر ریاستی مزدور کو گولی مار کر ہلاک کر دیا ہے.

اطلاع کے مطابق ضلع کولگام کے نیہامہ علاقہ میں عسکریت پسندوں نے ایک غیر ریاستی مزدور کو گولیوں کا نشانہ بنایا۔ زخمی شخص کو ہسپتال منتقل کیا گیا، تاہم زخموں کی تاب نہ لا کر اس نے راستہ میں ہی دم توڑ دیا۔

ہلاک شدہ شخص کی شناخت ریاست بہار کے رہنے والے شنکر چودھری کے طور پر ہوئی ہے، جو پیشہ سے مزدور تھا۔اس واقعہ کے بعد سکیورٹی فورسز نے پورے علاقے کو محاصرہ میں لے کر حملہ آوروں کی تلاش شروع کر دی۔

واضح رہے کہ یہ جنوبی کشمیر میں عسکریت پسندوں کا دوسرا واقعہ ہے۔ اس واقعہ سے پہلے ایک پولیس اہلکار کو عسکریت پسندوں نے ونپوہ علاقہ میں گولیوں کا نشانہ بنا کر ہلاک کر دیا۔