پرنسپل سیشن جج کلگام طاہر خورشید نے کولگام کے غلام حسن پڈر کے بیٹے شاہ جہاں پڈرعرف شاہ لال پڈر کو قتل کے الزام میں قصوروار ٹھہراتے ہوئے عمر قید کی سزا سنائی ہے۔
کولگام:کورٹ نے ملزم کو عمر قید کی سزا سنائی تفصیلات کے مطابق پولیس تھانہ کولگام میں ایف آئی آر (96/2010) کے تحت قتل کا مقدمہ درج کیا گیا تھا، ملزم شاہ جہاں پڈر مرہامہ کولگام سے تعلق رکھتا ہے۔
سیشن جج کلگام طاہر خورشید نے عدالت میں اس کیس کے حقائق اور حالات کو دیکھ کر ملزم شاہ جہاں کو عمر قید کی سزا سنائی۔
کورٹ نے ملزم کو 302 میں عمر قید کی سزا سنائی، 364 کے تحت 10 برس کی سزا سنائی جبکہ 201 کے تحت انہیں 3 سال کی سزا سنائی ہے۔
مزید پڑھیں:کولگام فروٹ منڈی کے تاجروں کو رواں برس منافع کی امید
یہ کیس ضلع کورٹ میں گذشتہ 12 برسوں سے زیر شنوائی تھا۔ اس دوران دفاعی اور سرکاری وکیل کے درمیان جرح کی گئی، تاہم کورٹ نے دونوں وکلاء کی جرح سُننے کے بعد اپنا فیصلہ سنایا ہے۔
وہیں پیلک پروسیکیوٹر کے مطابق ایسے فیصلوں سے عوام میں عدلیہ کے تئین اپنا بھروسہ قائم رہتا ہے اور لوگ عدلیہ کی طرف رجوع کرتے ہیں۔
