کولگام: پولیس پارٹی پر حملہ، دو اہلکار زخمی

جموں و کشمیر کے ضلع کولگام کے علاقے مانزگام میں پولیس پارٹی پر نامعلوم عسکریت پسندوں نے حملہ کیا جس میں دو پولیس اہلکاروں کے زخمی ہونے کی اطلاع ہے۔

عہدیداروں نے بتایا کہ جنوبی کشمیر کے ضلع کولگام کے علاقے مانزگام میں مشتبہ عسکریت پسندوں نے پولیس پارٹی پر فائرنگ کی جس کے نتیجے میں دو سیکورٹی اہلکار زخمی ہوگئے۔

ایک پولیس عہدیدار نے بتایا کہ 'شام تقریباً 5 بجے نامعلوم عسکریت پسندوں نے کولگام کے منزگام علاقے میں ایک پولیس پارٹی پر فائرنگ کیا۔ اس حملے میں دو پولیس اہلکار زخمی ہوئے ہیں۔

عسکریت پسندوں کی جانب سے اس وقت حملہ کیا گیا جب دو ایس پی اوز پولیس کی گاڑی کی مرمت کررہے تھے۔

بتایا جاتا ہے کہ عسکریت پسندوں نے اندھا دھند گولیاں چلائی جس میں دو اہلکار عمران احمد اور ظہور احمد زخمی ہوئے۔

زخمیوں کو فوری طور مقامی ہسپتال میں داخل کرایا گیا جہاں ان کی حالت مستحکم بتائی جا رہی ہے۔

دریں اثنا پولیس نے عسکریت پسندوں کو پکڑنے کے لیے علاقے کو محاصرے میں لے کر تلاشی مہم شروع کر دی ہے۔