Kashmiri Student Found Dead in Gujarat گجرات یونیورسٹی میں زیر تعلیم کشمیری طالب علم کی لاش برآمد

جموں و کشمیر کے ضلع کولگام سے تعلق رکھنے والے طالب علم کی لاش گجرات میں پُر اسرار حالت میں پائی گئی۔ پولیس ٹیم فوری طورپر جائے موقع پر پہنچی اور لاش کو تحویل میں لے کر اس بارے میں لواحقین کو آگاہ کیا۔ Kashmiri student found dead in Gujarat

سری نگر: کولگام سے تعلق رکھنے والے نوجوان کی لاش گجرات میں پُرا سرار حالت میں برآمد ہوئی۔ گجرات کی سردار پٹیل یونیورسٹی میں زیر تعلیم کشمیری نوجوان کی لاش اتوار کی صبح کمرے میں لٹکتی ہوئی پائی گئی۔Kashmiri student found dead in Gujarat

طالب علم کے اہلخانہ نے الزام لگایا کہ اُن کے بیٹے کا قتل کیا گیا ہے۔ اطلاعات کے مطابق سردار پٹیل یونیورسٹی گجرات میں زیر تعلیم کشمیری نوجوان سمیر احمد ٹھوکر ولد محمد شفیع ٹھوکر ساکن نانی بوگ کولگام کی لاش اتوار کی صبح کمرے میں پنکھے سے لٹکتی ہوئی ملی، جس کے بعد پولیس کو اس بارے میں مطلع کیا گیا۔ پولیس ٹیم فوری طور پر جائے موقع پر پہنچی اور لاش کو تحویل میں لے کر اس بارے میں لواحقین کو آگاہی فراہم کی۔

لواحقین نے نامہ نگاروں سے بات چیت کے دوران بتایا کہ اُن کے بیٹے کا قتل کیا گیا ہے اور اس معاملے کی اعلیٰ سطحی تحقیقات ہونی چاہئے۔ متوفی کے والد محمد شفیع ٹھوکر نے بتایا کہ اُن کا بیٹا گجرات کی یونیورسٹی میں ایم ایس سی زولوجی کر رہا تھا۔ محمد شفیع نے مزید کہا کہ ان بیٹا خودکشی کے بارے میں سوچ بھی نہیں سکتا ہے۔ انہوں نے پولیس کے اعلیٰ حکام سے اپیل کی معاملے کی باریک بینی سے تحقیقات کی جائے تاکہ سچائی سب کے سامنے آسکے۔

یو این آئی