کولگام میں سکیورٹی فورسز کی گاڑی حادثے کا شکار

جنوبی کشمیر کے کولگام میں آج صبح سکیورٹی فورسز کی ایک گاڑی حادثے کا شکار ہوئی۔

بتایا جاتا ہے کہ ایک بس جس میں آئی۔ٹی۔بی۔ای کے اہکار سوار تھے اس وقت حادثے کا شکار ہوئی جب وہ دمحال ہانجی پورہ سے کولگام آ رہی تھی، اسی دوران ڈاک بنگلور کے قریب جیسے ہی پہنچی تو بس ڈرائیور اپنا توازن کھو بیٹھا۔

گاڑی کے الٹ جانے کے بعد کئی اہکار زخمی ہوئے تاہم مقامی لوگوں کی مدد سے زخمی اہلکاروں کو ضلع ہسپتال منتقل کیا گیا۔ اس ضمن میں پولیس نے کیس درج کرکے تحقیقات شروع کردی۔

ای ٹی وی بھارت کے ذرائع کے مطابق، جموں و کشمیر میں انتخابات کے دوران کسی بھی ناخوشگوار واقعات سے نمٹنے کے لیے سکیورٹی فورسز کی ڈھیر ساری کمپنوں کو تعینات کیا گیا۔ ایسے میں یہ گاڑی الیکشن ڈیوٹی کے لیے تعینات تھی۔