کولگام میں چوری کی وارداتوں میں مزید اضافہ Further Increase in Thefts in Kulgam ہوتا جارہا ہے، آئے روز ضلع کے مختلف علاقوں سے اس طرح کی خبریں موصول ہورہی ہیں، ضلع کے چولگام علاقے میں چوروں نے مرکزی جامع مسجد میں چوری کی جس کی وجہ سے مسجد کا تعمیراتی کام رُک گیا۔
مقامی لوگوں نے ضلع پولیس سے مداخلت کی اپیل کی ہے۔ اُدھر زیپورہ آگرو کولگام میں چوروں نے مبینہ طور پر ایک عورت کی انگلیوں پر حملہ کرکے دو سونے کی انگوٹھی لے کر فرار ہو گئے۔ خاتون کی شناخت فینسی جان ساکنہ زیپورہ آگرو کے طور پر ہوئی۔ مزکوہ خاتون نے اگرچہ ہمت کا مظاہرہ کرتے ہوئے آس پڑوس کے لوگوں کو جمع کرنے کوشش کی، تاہم چور یہاں سے فرار ہوگئے۔
ذرائع نے بتایا کہ خاتون اپنے گھر پر اکیلی تھیں جب ایک شخص بھکاری بن کر ان کے گھر میں داخل ہوا اور زبردستی خاتون کے ہاتھ سے دو سونے کی انگوٹھیاں نکال لیں۔ اور ان کی انگلیوں پر حملہ کردیا۔ پولیس نے معاملے کی تحقیقات شروع کردی ہے۔
