جنوبی کشمیر کے ضلع کولگام میں رات ساڈھے دس بجے کے قریب پی ڈی پی رہنما کے گھر پر دستی بم پھینکا گیا۔ تاہم، دستی بم پھٹنے میں ناکام رہا۔
گرینیڈ حملے اطلاع صدر نے نمائندے کو فون پر دی۔ انہوں نے بتایا کہ باورچی کھانے میں تھے جب بم پھینکا گیا۔ کئی روز سے ان کی بیٹی کی تبیعت خراب ہے۔ جس کی وجہ سے وہ اپنے گھر پر ہی تھے۔
یہ واقعہ کولگام کے گاؤں اشموجی میں پی ڈی پی کے بلاک صدر فاروق احمد راتھر کے گھر پر پیش آیا۔
یہ بھی پڑھیں: محبوبہ مفتی کے خلاف ای ڈی کی نوٹس پر دہلی ہائی کورٹ میں سنوائی آج
ان کا کہنا تھا کہ گرینیڈ پھٹ نہیں سکا۔ انہوں نے مزید کہا کہ بم ڈسپوزل اسکواڈ (بی ڈی ایس) موقع پر پہنچ گیا اور کامیابی سے گرینیڈ کو ناکارہ بنا دیا۔
ادھر علاقے میں سرچ آپریشن شروع کر دیا گیا ہے۔
