کولگام منڈی میں لہسن کی خریداری عروج پر

جنوبی کشمیر میں ضلع کولگام کی سبزی منڈی میں ان دنوں لہسن کی خریداری عروج پر ہے۔

کولگام منڈی میں نہ صرف ریاستی بلکہ غیر ریاستی تاجرین بھی لہسن اور پیاز کی خرید و فروخت کے لیے یہاں آتے ہیں۔

مقامی کسانوں نے ای ٹی وی بھارت کو بتایا کہ ’’رواں برس کولگام ضلع میں لہسن کی پیداوار بہت اچھی ہوئی۔‘‘

انہوں نے کہا کہ عام طور پر لہسن گھروں میں اُگایا اور گھروں میں ہی استعمال کیا جاتا ہے، اسکی خرید و فروخت اور تجارت زیادہ تر نہیں کی جاتی تھی۔ ’’مگر امسال بہتر فصل ہونے اور منڈی میں تاجرین کا رش ہونے کے سبب لہسن سے ہمیں کافی فائدہ ہو رہا ہے۔‘‘

کسانوں کے مطابق اس سے قبل منڈی میں لہسن کی خرید و فروخت کا معقول انتظام نہ ہونے کے سبب اکثر و بیشتر گائوں دیہات میں گھر گھر جاکر لہسن بیچا جاتا تھا۔

وہیں بیرون ریاست سے تعلق رکھنے والے تاجرین بہت خوش نظر آئے۔

ای ٹی وی بھارت کے ساتھ بات کرتے ہوئے غیر ریاستی تاجرین کا کہنا تھا کہ انہیں کشمیر آنے اور تجارت کرنے میں کوئی پریشانی نہیں ہوتی، ’’یہاں کے حالات بالکل پُر امن ہیں۔‘‘