کولگام: عسکریت پسند فرار ہونے میں کامیاب

کولگام میں عسکریت پسندوں کے چھپے ہونے کی اطلاع کے بعد آج صبح سکیورٹی فورسز نے پورے علاقے کو اپنے محاصرہ میں لے لیا اور سرچ آپریشن شروع کردی، تصادم کے دوران عسکریت پسند فرار ہونے میں کامیاب رہا۔

جموں و کشمیر کے ضلع کولگام کے علاقہ نندی مرگ میں عسکریت پسندوں اور سکیورٹی فورسز کے درمیان مسلح تصادم عسکریت پسندوں کے فرار ہونے کے ساتھ ہی اختتام پذیر ہوگیا۔

ذرائع کے مطابق علاقہ میں دو سے تین عسکریت پسندوں کے چھپے ہونے کی اطلاع تھی۔ سیکورٹی فورسز نے علاقہ کو گھیرے میں لیا اور تلاشی کاروائی شروع کر دی۔ تاہم عسکریت پسند فورسز کو چکمہ دیکر فرار ہونے میں کامیاب ہوئے

سکیورٹی فورسز نے علاقہ کو محاصرہ میں لے لیا تھا اور تمام داخلی و خارجی راستے بند کر دیئے تھے۔

سیکورٹی ذرائع کا کہنا ہے کہ 'عسکریت پسند فرار ہونے میں کامیاب ہوئے لیکن فورسز نے گولہ بارود برامد کیا ہے۔

واضح رہے کہ اسی علاقہ میں گزشتہ ہفتے عسکریت پسندوں نے ایک شہری کو ہلاک کیا تھا اور بعد میں سکیورٹی اہلکاروں نے مذکورہ واقعہ میں ملوث عسکریت پسندوں کو ہلاک کیا تھا۔