اطلاع کے مطابق لارو کولگام میں دوران شب آگ کی ہولناک واردات میں جوتوں کی ایک دوکان جل کر خاکستر ہوگئی ہے۔ آگ اس قدر بھیانک تھی کہ پوری دوکان کو آگ نے اپنی لپیٹ میں لے لیا جس سے لاکھوں روپئے مالیت کا مال تباہ ہوگیا۔
فائر اینڈ ایمرجنسی محکمہ نے آگ پر قابو پایا اور اسے مزید پھیلنے سے روکا۔
مقامی لوگوں نے بات کرتے ہوئے کہا کہ دس بجے کا وقت تھا جب دُکان میں اچانک آگ لگی اور دیکھتے ہی دیکھتے سارے دُکان کو راکھ کی ڈھیر میں تبدیل کردیا۔متاثرین نے بات کرتے ہوئے کہا کہ انہوں نے بینک سے قرضہ بھی لیا ہے اور اب دُکان کا سارا سازو سامان تباہ ہوا ہے۔
مزید پڑھیں:پلوامہ: سی آر پی ایف کیمپ میں آتشزدگی
انہوں نے انتظامیہ سے مدد کی اپیل کی ہے۔ وہیں پولیس نے کیس درج کر لیا ہے اور آگ کی واردات کی تحقیقات شروع کردی گئی ہے۔