کولگام میں نوجوان کی لاش برآمد

جنوبی کشمیر کے ضلع کولگام کے بچھرو گاؤں میں آج صبح 19 سالہ طالب علم کی پراسرار حالت میں لاش بر آمد کی گئی۔

مقامی لوگوں کے مطابق آج صبح 19 سالہ نوجوان کی لاش ایک اسکول کے نزدیک پر اسرار حالت میں مردہ پائی گئی ہے۔

مقامی لوگوں نے پولیس کو اطلاع کی، جس کے بعد پولس نے لاش کو قانونی لوازمات کرنے کے بعد لواحقین کے سپرد کی ہے۔

متوفی کی شناخت عبدالباری میر (19) ولد اعجاز احمد میر ساکن بوکرو کے طور پر ہوئی ہے۔متوفی بی اے سال اول میں زیر تعلیم تھا۔

مقامی لوگوں نے بات کرتے ہوئے کہا کہ نوجوان گزشتہ شام گھر سے نکلا تھا اور آج صبح اس کی لاش علاقے کے مین سڑک پر پائی گئی۔

وہیں اہلخانہ نے بات کرتے ہوئے کہا کہ اس معاملے کی باضابطہ انکوائری ہونی چاہے۔ پولیس کے مطابق موت مشکوک معلوم ہوتی ہے اور 174 سی آر پی سی کے تحت انکوائری کی کارروائی شروع کر دی گئی ہے۔