بے جے پی لیڈران نے ریڈونی علاقے میں سرپنچ کی تعزیت تقریب میں شمولیت کی

جبونی کشمیر کے ضلع کولگام کے ریڈونی میں بی جے پی لیڈران نے سرپنچ مہلوک غلام رسول ڈار کے گھر جاکر تعزیت پیش کی اور مرحوم لیڈر کو خراج عقیدت پیش کیا ہے۔

بی جے پی نے عسکریت پسندوں کی جانب سے ضلع اننت ناگ میں بی جے پی سرپنچ کے حملے کو بوکھلاہٹ سے تعبیر کیا ہے اور کہا ہے کہ جموں و کشمیر میں بدلاؤ اور امن کی فضا سے قائم ہونے سے ایسی قوتوں کو کرارا جواب مل رہا ہے، ان باتوں کا اظہار لوک سبھا ممبر و بی جے پی کسان مورچہ کے قومی صدر راج کمار نے کیا۔

میڈیا کے پوچھے گئے سوال پر انہوں نے کہا کہ راہل گاندھی کو خود پتا نہیں ہوتا کہ وہ کیا بول رہے ہیں۔ انہوں نے کہا کہ بی جے پی کی حکومت میں جموں و کشمیر میں وکاس ہوا ہے۔

ہم آپ کو بتادیں کہ غلام رسول ڈار اور ان کی اہلیہ کو مسلح بندوق برداروں نے اننت ناگ میں ان کی عارضی رہائش گاہ پر فائرنگ کرکے دونوں میاں بیوی کو ہلاک کردیا تھا۔

بی جے پی لیڈران نے ان کے آبائی علاقے جاکر ان کے اہل خانہ سے تعزیت پُرسی کی۔ اس موقعہ پر مرحوم کے حق میں فاتحہ خوانی اور خصوصی دعائیہ مجلس کا اہتمام بھی کیا گیا۔

وہیں بی جے پی صدر جموں و کشمیر رویندر رینا نے کہا کہ اس حملے میں ملوث افراد کو بخشا نہیں جائے گا اور اس حملے میں عباس شیخ ملوث ہے۔