مغربی بنگال کے وزیر شہری ترقیاتی فرہاد حکیم نےکہا کہ شجاع پور فیکٹری میں دھماکہ ایک دلدوز واقعہ ہے۔ انہوں نے کہا کہ اس واقعے میں ہلاک ہونے والے مزدوروں کے اہل خانہ سے ہمدردی ہے۔ اس معاملے کی تفتیش مغربی بنگال پولیس کر رہی ہے۔
وزیر کا کہنا ہے کہ مغربی بنگال پولیس جب معاملے کی تفتیش کر رہی ہے تو مرکزی جانچ ایجنسی این آئی اے کو سونپنے کی کوئی ضرورت نہیں ہے۔ فرہاد حکیم کے مطابق پلاسٹک کارخانے میں پلاسٹک چور کرنے والی مشین گرم ہونے کی وجہ پھٹ جاتی ہے۔ اس کی وجہ سے دلدوز واقعہ پیش آیا۔
انہوں نے کہا کہ وزیراعلی ممتابنرجی کی ہدایت پر دھماکے میں ہلاک ہونے والے مزدوروں کے اہل خانہ کو دو دو لاکھ روپنے دیا جائے گا۔ وزیر کا کہنا ہے کہ زخمی ہونے والے مزدوروں کی ہر ممکن مدد کرنے کی کوشش کی جا رہی ہے۔ مزید میڈیکل کالج اینڈ ہسپتال میں زیر علاج مزدوروں کی دیکھ بھال کرنے کی ہدایت دی گئی ہے۔کولکاتا میونسپل کارپوریشن کے چیف ایڈمنسٹریٹو فرہاد حکیم نے مالدہ ضلع کے شجاع پور کا دورہ کیا اور حالات کا جائزہ لیا۔
مزید پڑھیں:
واضح رہے کہ آج دن میں شجاع پور میں واقع پلاسٹک کارخانے میں ہوئے دھماکے میں پانچ افراد کی موت ہو گئی تھی جبکہ 10 سے 12 افراد کے زخمی ہونے کی اطلاع ہے.بی جے پی رہنماؤں نے شجاع پور فیکٹری دھماکے کی تفتیش این آئی اے کے حوالے کرنے کا مطالبہ کیا۔
