مغربی بنگال مالدہ ضلع ترنمول کانگریس کی صدر بینظیر موسم نور نے کہا کہ آج تمام اضلاع ترقی کی دوڑ میں ایک دوسرے سے آگے نکلنے کی کوشش میں مصروف ہیں۔
ترقی کی دوڑ میں مالدہ کیوں پیچھے رہے گا، اس کے لیے تمام سیاسی رہنماوں کو پارٹی سے الگ ہو کر ایک ساتھ مل کر آواز بلند کرنے کی ضرورت ہے، مالدہ ضلع اگر اسمارٹ سٹی کے زمرے میں آ جاتا ہے تو یہاں کے لوگوں کے لیے روزگار کے نئے نئے مواقع ملیں گے، اس سے سب کو فائدہ ہو گا۔
انہوں نے کہا کہ ہمارے ضلع میں کسی چیز کی کوئی کمی نہیں ہے، بلند حوصلوں اور عزم کے ساتھ میدان میں اترنے کی ضرورت ہے، اس کے بعد سب کچھ ٹھیک ہو جائے گا
وزیراعلی ممتابنرجی خود ریاست کے تمام اضلاع کو اسمارٹ سٹی بنانے کی کوشش میں مصروف ہیں، اگر ہم اس کے لیے پہل کریں تو وزیراعلی ہماری مدد کریں گی۔
عوام اپنی محنت اور لگن سے مالدہ ضلع کو یہاں تک لے کر آئے ہیں، یہاں سے آگے لے جانے کی ذمہ داری ہماری ہو گی، موسم نور کا کہنا ہے کہ اسمبلی انتخابات کی تیاری شروع ہو چکی ہے، پارٹی متحد ہے اور اپنی موجودگی کا احساس دلانے کے لیے پوری طرح سے تیار ہے۔
انہوں نے کہا کہ ترنمول کانگریس میں جاری تنازعہ وقتی ہے، اسے وقت سے پہلے ختم کر دیا جائے گا، اس کے لیے فکر کرنے کی کوئی ضرورت نہیں ہے، ممتابنرجی کی قیادت والی 'ماں ماٹی مانش' کی پارٹی ترنمول کانگریس تیسری مرتبہ اقتدار میں آئے گی اسے کوئی روک نہیں سکتا ہے۔
