چھاپہ ماری کے دوران لاکھوں روپے برآمد

ہوڑہ اسٹیش سے جی آر پی نے خصوصی مہم کے دوران ٹرین سے لاکھوں روپے برآمد کیا۔ حوالہ کاروبار کے تحت روپے کو کولکاتا لایا گیا تھا۔

مغربی بنگال میں گزشتہ آٹھ مہینوں سے لوکل ٹرین سروس معطل ہے. تمام اسٹیشن ویران پڑے ہوئے ہیں. چند افراد اسی کا فائدہ اٹھا کر حوالہ کاروبار کے تحت بیرون ریاستوں سے لاکھوں روپے کا لین دین کر رہے ہیں۔

ہوڑہ کے 14 نمبر پلٹ فارم کھڑی ٹرین میں جی آر پی کی ٹیم نے خصوصی چھاپہ ماری مہم کے دوران لاکھوں روپے برآمد کیے.

جی آر پی کے مطابق خفیہ اطلاع ملی تھی کہ حوالہ کے تحت لاکھوں روپے کولکاتا لائے جا رہے ہیں اسی اطلاع کی بنیاد پر کارروائی کی گئی۔

واضح رہے کہ چند دنوں قبل ہی پارک اسٹریٹ علاقے کے ایک فلیٹ میں ایس ٹی ایف نے چھاپہ ماری مہم کے دوران ڈیڑھ کروڑ روپے نقد برآمد کیا تھا.