مغربی بنگال میں 15 جولائی تک جزوی لاک ڈاؤن میں توسیع

مغربی بنگال کی حکومت نے ریاست میں آئندہ 15 جولائی تک جزوی لاک ڈاؤن میں توسیع کرنے کا اعلان کیا ہے۔ اس کے ساتھ مختلف تبدیلیاں کرتے ہوئے مزید راحت کا بھی اعلان کیا ہے۔

وزیر اعلی ممتا بنرجی نے آج نبنو میں جزوی لاک ڈاؤن کا اعلان کرتے ہوئے نئی راحت میں پبلک ٹرانسپورٹ کو بحال کرنے کا علان کیا ہے۔ جس کے تحت سرکاری و غیر سرکاری بس خدمات بحال کر دی گئی ہیں۔
سرکاری و غیر سکاری بسیں بھی آئندہ یکم جولائی سے سڑکوں پر دوڑیں گی۔ لیکن لوکل ٹرین اب بھی بند رہیں گی۔ کووڈ پروٹوکال کے کا خیال رکھتے ہوئے بیوٹی پارلر، سیلون اور جیم بھی کھولنے کی اجازت دے دی گئی ہے۔ وزیر اعلی ممتا بنرجی نے آج کورونا کے وبائی صورت حال کا خیال رکھتے ہوئے 15 جولائی تک لاک ڈاؤن میں توسیع کی گئی ہے۔

رات 9 سے صبح 5 بجے تک صرف ضروری کام کے لیے باہر نکلنے کی اجازت ہوگی۔ سرکاری و غیر سرکاری بسیں چلیں گی۔ اس کے ساتھ ہی آٹو رکشا و ٹوٹو 50 فیصد مسافروں کے ساتھ چلانے کی اجازت دے دہ گئی ہے۔ اس دوران ماسک اور سینیٹائزیشن ضروری ہوگا۔ اب ڈرائیوروں کو بھی ویکسین لگانے کا کام جاری ہے۔'

سبزی بازار صبح 6 بجے سے 12 بجے تک کھولنے کی اجازت ہوگی۔ تمام دکانیں صبح 11 رات 8 بجے کھلی رہیں گی۔ غیر سرکاری دفاتر 50 فیصد ورک فورس کے ساتھ کام کر سکتی ہیں۔صبح 10 بجے سے شام 4 بجے تک کھلی رہیں گی۔ ملازمین کے آمد و رفت کا انتظام کمپنی کو کرنا پڑے گا۔'