گورنر نے قانون کو بہتر بنانے کی بات کہی

مغربی بنگال کے ڈائریکٹر جنرل بریندر نے راج بھون میں گورنر سے ملاقات کرکے ریاست میں لا اینڈ آرڈر کی صورت حال سے آگاہ کیا۔

ذرائع کے مطابق ریاست کے گورنر جگدیپ جھنکھڑ نے بھاٹ پارہ۔جگتدل میں سیاسی تشدد کے واقعات پر تشویش کا اظہار کرتے ہوئے ہدایت دی کہ ریاست میں لااینڈ آرڈر قائم کرنے کے لئے سختی سے کام لیں۔

گورنر نے کہا کہ ڈی جی سے جاننے کی کوشش کی ریاست میں لااینڈ آرڈر کو بہتر بنانے کیلئے کیا اقدامات کیے گئے ہیں؟ ڈی جی نے گورنر کو یقین دہانی کرائی کہ بھاٹ پارہ اور جگتدل میں حالات جلد ہی بہتر ہو جائیں گے۔

خیال رہے کہ گزشتہ اتوار کو بھاٹ پارہ میں تشدد کے دوران بی جے پی کے رکن پارلیمنٹ ارجن سنگھ زخمی ہو گئے تھے۔ انہیں دیکھنے کیلئے گورنر خود بھی اسپتال گئے تھے۔گورنر نے میڈیا سے بات کرتے ہوئے کہا تھا کہ میں بارکپور کے حالات سے تشویش میں ہوں۔