مغربی بنگال: 24 گھنٹوں میں آتشزدگی کے متعدد واقعات

کولکاتا اور اس کے اطراف کے اضلاع میں گذشتہ 24 گھنٹوں کے دوران آتشزدگی کے چار واقعے رونما ہوئے جس میں پانچ افراد زخمی ہو گئے

ریاست مغربی بنگال کے دارالحکومت کولکاتا اور اس کے اطراف کے اضلاع میں آتشزدگی کے متعدد واقعے رونما ہوئے۔آتشزدگی کے مختلف واقعات میں پانچ افراد کے زخمی ہونے کی اطلاع ہے، جبکہ لاکھوں کا نقصان ہوا ہے۔

24 گھنٹوں میں آتشزدگی کے متعدد واقعات

تفصیل کے مطابق ہگلی ضلع کے بیدیا باٹی کے دہلی روڈ کے قریب واقع پلائی ووڈ بنانے کے کارخانے میں بھیانک آگ لگ گئی۔ فائر بریگیڈ کے چار انجنوں کی مدد سے گھنٹوں کی مشقت کے بعد آگ پر قابو پایا گیا۔ اس واقعے میں دو افراد زخمی ہو گئے۔فائر بریگیڈ کے اہلکار کا کہنا ہے کہ' پلائی ووڈ بنانے کے کارخانے میں لگی آگ کے سبب لاکھوں روپے کا نقصان ہوا ہے۔

وہیں ایک دوسرا واقعہ بردوان ضلع کے آسنسول علاقے میں واقع بستی کی جھونپڑیوں میں پٹاخے کی چنگاری سے آگ لگ گئی۔ بستی کی 18 جھونپڑیاں جل کر راکھ ہو گئی۔ اس واقعے میں دو افراد کے زخمی ہونے کی اطلاع ہے۔مزید فائربریگیڈ کے اہلکار کے مطابق جھونپڑی کی چھت پر راکٹ پٹاخہ گرنے کے سبب آتشزدگی کا واقعہ پیش آیا۔

وہیں کولکاتا سے متصل نیوٹاؤن علاقے میں بھی آتشزدگی کے سبب 30 سے زائد جھونپڑیاں جل کر خاک ہو گئی۔ نیوٹاؤن میں گذشتہ 24 گھنٹوں کے دوران آتشزدگی کا یہ دوسرا واقعہ ہے۔

شمالی 24پرگنہ ضلع کے بشیرہاٹ کے ملانچا بازار میں آگ لگنے کے سبب درجنوں دکانیں جل کر راکھ ہو گئی۔ فائر بریگیڈ کے پانچ انجنوں کی مدد سے گھنٹوں کی مشقت کے بعد آگ پر قابو پایا جاسکا۔فائر بریگیڈ کے ایک آفیسر امل منڈل نے بتایا کہ' پٹاخہ پھٹنے سے ایک دکان کے شارٹ سرکٹ میں آگ لگی اور اس کے بعد آگ نے یکے بعد دیگر دکانوں کو اپنے لپیٹ میں لے لیا۔

مزید پرھیں:

آتشزدگی میں اپنا سب کچھ کھو چکے کوشل پال نام کے ایک دکاندار کا کہنا ہے کہ پٹاخے کے سبب بازار میں آگ لگی۔ انہوں نے کہا کہ اس واقعے میں 20 لاکھ روپے سے زائد کا نقصان ہوا ہے.