سی پی ایم کے رہنما محمد سلیم نے ترنمول کانگریس اور بی جے پی پر تنقید کرتے ہوئے کہا کہ دونوں میں کوئی فرق نہیں ہے، دونوں ایک ہی سکے کے دو پہلو ہیں۔
'ترنمول کانگریس اور بی جے پی میں کوئی فرق نہیں'
سابق رکن پارلیمنٹ محمد سلیم نے بنگال میں بایاں محاذ اور کانگریس اتحاد کو اہم قرار دیا ہے۔
md Salim
مغربی بنگال سی پی ایم پولت بیورو کے رکن محمد سلیم نے گنگا رامپور میں جلسے کو خطاب کرتے ہوئے کہا کہ آج بنگال میں جو کچھ بھی ہو رہا ہے اس کی ذمہ دار وزیراعلی ممتا بنرجی ہیں۔ انہوں نے کہا کہ ممتا بنرجی کی وجہ سے بی جے پی کو بنگال میں پاؤں پھیلانے کا موقع ملا ہے۔ ممتا بنرجی کی سیاسی غلطی کی وجہ سے بی جے پی اپنے آپ کو مضبوط کرچکی ہے۔
محمد سلیم نے کہا کہ ترنمول کانگریس کے رہنماؤں کے بی جے پی میں شامل ہونے سے نہ صرف ممتا کو بلکہ بنگال کی عوام کو نقصان ہو رہا ہے۔
سی پی ایم کے سابق رکن پارلیمان کا کہنا ہے کہ دونوں پارٹیوں میں کوئی فرق نہیں ہے، دونوں ایک ہی سکہ کے دو پہلو ہیں۔
انہوں نے کہا کہ حکمراں جماعت ترنمول کانگریس کی ناقص پالیسی کے سبب عوام میں ناراضگی ہے، ترنمول کانگریس کے بیشتر رہنماؤں کے بی جے پی سے رابطے ہیں۔
محمد سلیم کے مطابق 2021 بنگال کی عوام کے لئے اہم ہے۔ ریاست کے لوگوں کو فیصلہ کرنا ہو گا کہ ترنمول کانگریس کو دوبارہ اقتدار سونپ کر بی جے پی کو مضبوط بنائیں یا پھر سی پی ایم کو ایک اور موقع دیں۔
سی پی ایم اور کانگریس کے اتحاد کو اہم قرار دیتے ہوئے محمد سلیم نے کہا کہ بنگال کی عوام کے سامنے فیصلہ کن وقت آگیا، بدعنوانی اور نفرت کی سیاست کو جلد سے جلد ختم کیا جائے۔