کوچ بہار: 'قصورواروں کے خلاف سخت کارروائی کی جائے گی'

ممتا بنرجی نے کوچ بہار میں سکیورٹی فورسز کی فائرنگ میں ہلاک ہونے والے افراد کے لواحقین سے ملاقات کی اور قصورواروں کے خلاف کارروائی کی یقین دہانی کرائی۔

کولکاتا: وزیر اعلیٰ ممتا بنرجی نے آج چوتھے مرحلے کی پولنگ کے دوران آئی ایس ایف کی فائرنگ میں ہلاک ہونے والے افراد کے لواحقین سے ملاقات کی۔ ممتا بنرجی نے یقین دہانی کرائی کہ تیسری مرتبہ اقتدار میں آنے کے بعد اس پورے معاملے کی جانچ کریں گی اور قصورواروں کے خلاف کارروائی کی جائے گی'۔

ممتا بنرجی نے کہا کہ 10 اپریل کو پولنگ کے دوران سی آئی ایس ایف اہلکاروں کی فائرنگ میں چار افراد کی موت ہوگئی تھی۔ اس واقعے کے بعد الیکشن کمیشن نے سیاسی لیڈروں پر 72 گھنٹے تک کوچ بہار میں داخلے پر پابندی عائد کردی تھی۔ اس کی وجہ سے ممتا بنرجی حادثہ کے اگلے دن نہیں جاسکیں۔ ممتا بنرجی نے کہا کہ ہم انکوائری کریں گے اور قانون کے مطابق سزا دیں گے۔

ممتا بنرجی نے کوچ بہار میں راج بنشی قبیلہ کے 18سالہ لڑکے کی موت پر افسوس کا اظہار کرتے ہوئے کہا کہ ان کے بھی اہل خانہ کو انصاف دیا جائے گا۔ ممتا بنرجی نے تمام لواحقین کے اہل خانہ سے ملاقات کی اور برمن کے دادا اور ماموں سے ملاقات کریں گی۔

ممتا بنرجی نے کہا کہ 2 مئی کو نتائج آنے کے بعد وہ یہاں دوبارہ آئیں گی اور آپ کی ہر ممکن مدد کریں گی۔

ممتا بنرجی نے کہا کہ وہ حادثہ کے فوری بعد یہاں آنا چاہتی تھیں مگر الیکشن کمیشن کی وجہ سے نہیں آسکی ہیں۔ انہیں اس بات کا دکھ ہے۔ ممتا بنرجی نے بیوہ خاتون کو بلاکر اس کے 45 دن کے بچے کوگود میں لیا۔

یو این آئی