مغربی بنگال کے مختلف پرائمری اسکولوں WB Primary Schoolsمیں اساتذہ تقرری کے لئے سال 2014 میں ٹیٹ امتحانات کرائے گئے۔ گزشتہ 20 دسمبر کو مغربی بنگال پرائمری ایجوکیشن بورڈ نے اس سلسلے میں انٹرویو کے لئے 738 امیدواروں کی فہرست جاری کی تھی۔ ایک دن بعد بورڈ کی اس میرٹ لسٹ کو چلینج کرتے ہوئے کلکتہ ہائی کورٹ میں معاملہ دائر کیا گیا تھا۔
2014 میں ہوئے ٹیٹ امتحان کے سوالنامے میں کئی غلطی کو لیکر بھی تنازعہ ہوا تھا جس کی وجہ سے کئی امیدوار ناکام ہوگئے تھے۔جس کے خلاف کئی امیدواروں نے کلکتہ ہائی کورٹ میں معاملہ دائر کیا تھا۔
اس معاملے میں کلکتہ ہائی کورٹ کی ہدایت پر انٹرویو کے لئے 738 امیدواروں کی فہرست 20 دسمبر کو بورڈ نے جاری کی تھی۔لیکن اس بار بھی امیدواروں کی فہرست میں بھول ہوئی ہے۔جس پر عدالت نے بورڈ سے سوال کیا کہ جن کا نام فہرست میں شامل نہیں ہے ان کا کیا ہوگا۔عدالت نے اس سلسلے میں بورڈ کو ہدایت دی ہے کہ وہ جمعرات کو عدالت بتانا ہوگا۔
کچھ دن قبل ہی پرائمری اساتذہ کی تقرری میں ہوئی مبینہ بدعنوانیوں کو لیکر پرائمری ایجوکیشن بورڈ کے صدر مانک بھٹاچاریہ پر سوال اٹھائے گئے تھے۔2014 میں ہوئے ٹیٹ کے امتحان میں سوال نامے میں غلطی کو لیکر کلکتہ ہائی کورٹ میں معاملے کی سماعت کے دوران 2018 میں کلکتہ ہائی کورٹ نے ہدایت دی تھی کہ جن امیدواروں نے غلط سوالوں کے جواب دیئے تھے ان کو پھر سے نمبر دیئے جائے۔
لیکن بورڈ نے ایسا نہیں کیا۔جس کو عدالت کی خلاف ورزی سمجھا گیا اس کے خلاف عدالت میں معاملہ دوبارہ دائر کیا گیا۔عدالت نے بورڈ کے صدر کو جرمانہ ادا کرنے کا حکم دیا تھا۔
10 ستمبر کو مانک بھٹاچاریہ کو عدالت میں حاضر ہونے کی ہدایت دی گئی مانک بھٹاچاریہ عدالت میں حاضر ہوئے۔اس کے بعد پی 14 ستمبر کو 467 امیدواروں کو اسناد کی جانچ کے لئے بلایا گیا۔
