ہوڑہ ضلع ترنمول کانگریس کے صدر اروپ رائے پر ریاستی وزیر راجیب بنرجی نے الزام لگایا ہے کہ اصل مجرموں کو اروپ رائے نے بچانے کے لیے چھوٹے رہنماؤں کے خلاف یکطرفہ کارروائی کی ہے اور اس سلسلے میں ان کو اندھیرے میں رکھا گیا ہے۔ میڈیا پر پارٹی کے اندرونی معاملات پر بات کرنے پر فرہاد حکیم نے افسوس کا اظہار کیا ہے۔
امفان طوفان کے بعد متاثرین کی جعلی فہرست تیار کرنے کے معاملے میں ہوڑہ ضلع کے کچھ رہنماؤں کو پارٹی سے معطل کیا گیا تھا۔ ہوڑہ ضلع ترنمول کانگریس کے صدر اروپ رائے کے اس فیصلے پر پارٹی کے ایک اہم رہنماؤں اور ریاستی وزیر راجیب بنرجی نے اعتراض کرتے ہوئے برہمی کا اظہار کیا ہے۔
راجیب بنرجی ہوڑہ ضلع ترنمول کانگریس کے کو کوآرڈینیٹر بھی ہیں۔ راجیب بنرجی نے میڈیا کے سامنے اروپ رائے کے اس فیصلے پر اعتراض کرتے ہوئے برہمی کا اظہار کیا۔ انہوں نے کہا کہ پارٹی کی شفافیت کے نام پر بڑی مچھلیوں کو چھوڑ چھوٹی مچھلیوں پر کارروائی کی جا رہی ہے۔ ان کا مزید کہنا تھا کہ ان کو اندھیرے میں رکھتے ہوئے ضلع صدر نے یکطرفہ کارروائی کی ہے۔ انہوں مزید کہا کہ کچھ لوگوں کی وجہ سے پارٹی بدنام ہو رہی ہے۔'
راجیب بنرجی کے پارٹی کے اندرونی معاملات کو اس طرح میڈیا میں لانے پر پارٹی کی طرف سے افسوس کا اظہار کیا گیا ہے۔ ہوڑہ ضلع ترنمول کانگریس کے ایک اور کو آرڈینیٹر اور ریاستی وزیر فرہاد حکیم نے آج کہا کہ راجیب بنرجی کو پارٹی کے معاملات کو اس طرح میڈیا میں نہیں لانا چاہیے تھا ان کو مجھ سے بات کرنی چاہیے تھی انہوں یہ اچھا نہیں کیا۔ اس سلسلے میں فرہاد نے کہا اس پر مزید میڈیا پر بات نہیں کی جا سکتی ہے یہ پارٹی کا اندرونی معاملہ ہے'۔
