ٹی ایم سی رکن پارلیمان پارٹی سے ناراض

ترنمول کانگریس کی رکن پارلیمان ستابدی رائے نے تاراپیٹھ اور رام پور ہاٹ ڈیولپمنٹ اتھارٹی کے چیئرمین کے عہدے سے استعفیٰ دینے کا اعلان کیا۔

مغربی بنگال کے بیر بھوم ضلع سے رکن پارلیمان ستابدی رائے اور ترنمول کانگریس کے سینئر رہنماؤں کے درمیان جاری رنجش آخر دہلیز پر پہنچ چکی ہے۔
رکن پارلیمان ستابدی رائے نے اپنے سینئر رہنماؤں سے اتنی ناراض ہو گئی ہیں کہ پارٹی چھوڑنے کا ارادہ کر لیا ہے۔
رکن پارلیمان ستابدی رائے نے ترنمول کانگریس کے ساتھ تمام تعلقات کو ختم کرکے دہلی کے لئے روانہ ہو گئیں جہاں امت شاہ سے ملاقات کی قیاس آرائی ہے۔
اسی درمیان بیربھوم سے ترنمول کانگریس کی رکن پارلیمان ستابدی رائے نے تاراپیٹھ-رامپورہاٹ ڈیولپمنٹ اتھارٹی کے چیئرمین کے عہدے سے مستعفی ہونے کا اعلان کر دیا ہے حالانکہ تاراپیٹھ-رامپورہاٹ ڈیولپمنٹ کے جوانٹ چیرمین اسیش مکھرجی نے کہا کہ رکن پارلیمان ستابدی رائے کے استعفی دینے سے متعلق کوئی معلومات نہیں ہے۔
انہوں نے کہا کہ میڈیا کے ذریعہ رکن پارلیمان ستابدی رائے کے استعفی دینے کے بارے میں پتہ چلا ہے۔ اس کے بارے میں واضح طور پر کچھ بھی کہا نہیں جا سکتا ہے۔

واضح رہے کہ ستابدی رائے نے ترنمول کانگریس کے سنیر رہنماؤں سے ناراض ہو کر پارٹی کو چھوڑنے کا فیصلہ کر لیا ہے لیکن اب تک اس کی تصدیق نہیں ہو سکی ہے۔
رکن پارلیمان ستابدی رائے اس وقت دہلی میں ہیں جہاں امت شاہ سے ملاقات ہونے کا امکان ہے۔