مغربی بنگال کے جنوبی 24 پرگنہ میں واقع خوبصورت ترین علاقوں میں سے ایک سندربن اپنی منفرد و دلکش مناظر کے ساتھ رائل بنگال ٹائیگرز کی وجہ سے پوری دنیا میں مشہور ہے۔ سندربن منگورو جنگل جتنا خوبصورت ہے اس سے زیادہ خطرناک ہوتا جارہا ہے۔
سندربن میں ماہی گیروں پر رائل بنگال ٹائیگرز کے جان لیوا حملوں میں اضافہ گزشتہ چند ہفتوں کے دوران سندربن اور اس کے اطراف میں ماہی گیروں پر رائل بنگال ٹائیگرز کے جان لیوا حملے میں تشویشناک اضافہ ہوا جس میں اب تک تین لوگوں کی موت ہو گئی ہے جب کہ 17 افراد کے زخمی ہونے کی اطلاع ہے۔ ذرائع کے مطابق سندربن جنگل کے پیارا کھالی جنگل میں ماہی گیروں کا ایک گروپ چنگھڑی پکڑنے کے لئے گیا تھا۔ یہ علاقہ سمندری حیات (sea wild life) کے لئے کافی مشہور ہے۔
اسی درمیان رائل بنگال ٹائیگر نے ماہی گیروں پر حملہ کردیا جس میں دو ماہی گیر شدید طور پر زخمی ہوگئے۔ آشیش داس نام کے ماہی گیر کو تشویشناک حالت میں کولکاتا کے ایک ہسپتال میں داخل کرایا گیا ہے۔
ذرائع کے مطابق ماہی گیر اکثر و بیشتر ممنوعہ علاقوں میں مچھلی اور چنگھڑی پکڑنے کے لئے چلے جاتے ہیں۔ جس کی وجہ سے اس طرح کے واقعہ پیش آتا ہے۔
