کیب ڈرائیور راجا داس کی لاش سے متعلق پولس کو شبہ ہے کہ قتل کرکے پھینک دیا گیا ہے۔ یہاں سے قریب ہی میں راجا داس کا گھربھی ہے، اس کے جسم پر زخم کے کئی گہرے نشان پائے گئے ہیں۔
صفائی عملہ نے لاش کو نالے میں دیکھا تو فوری طور پر پولیس کی اطلاع دی۔ مقامی لوگوں نے فوری طور پر لاش کی شناخت کرلی ہے۔
انہوں نے بتایا کہ یہ لاش پڑوس میں رہنے والے راجا داس کی ہے۔ پولس نے بتایا کہ محض تین میٹر کی دوری پر ہی داس کا گھر ہے۔ لاش کو پوسٹ مارٹم کیلئے بھیج دیا گیا ہے۔
بدھان نگر پولس کمشنریٹ کے ڈی سی ہیڈ کوارٹر کنال اگروال نے بتایا کہ راجا داس کے جسم پر زخم کے تین نشانات ہیں۔ پولیس ڈارئیور کے موبائل کی جانچ کررہی ہے کہ آخری وقت ڈرائیور نے کن کن لوگوں سے بات کی تھی۔
