مغربی بنگال کے مرشدآباد ضلع کے کاندی علاقے میں ہائر سیکنڈری امتحانات میں ریاستی سطح پر پہلی پوزیشن حاصل کرنے والی رومانہ سلطانہ کے اعزاز میں استقبالیہ تقریب کا اہتمام کیا گیا.
استقبالیہ تقریب میں مغربی بنگال کے وزیر سبرتو ساہا مہمان خصوصی کی حیثیت سے شرکت کی. انہوں نے رومانہ سلطانہ کو اعزاز سے نوازا.
وزیر سبرتو ساہا نے ہائر سیکنڈری امتحانات پہلی پوزیشن حاصل کرنے والی رومانہ سلطانہ کو نہ صرف مرشدآباد بلکہ مغربی بنگال کی شان قرار دیا ہے.
انہوں نے کہا کہ وزیراعلیٰ ممتا بنرجی کی قیادت والی ریاستی حکومت کی جانب سے رومانہ سلطانہ کو ہر ممکن مدد کی جائے گی. وہ جہاں چاہے اور جب تک چاہے پڑھ سکتی ہے.
ریاستی وزیر کا کہنا ہے کہ ریاستی حکومت رومانہ سلطانہ کو اعلیٰ تعلیم حاصل کرنے میں مدد کرے گی کیونکہ اس نے ضلع مرشدآباد کا نام روشن کیا ہے.
مغربی بنگال کے مرشدآباد ضلع میں ایک تقریب کے دوران ترنمول کانگریس کے سنئیر رہنما اور وزیر فرہاد حکیم نے ہائر سیکنڈری امتحانات میں نمایاں کارنامہ انجام دینے والی رومانہ سلطانہ پر تنقید کرنے والوں کو آڑے ہاتھوں لیا.
رومانہ سلطانہ نہ صرف مرشدآباد بلکہ مغربی بنگال کی شان ہے - رومانہ سلطانہ کو ہر ممکن مدد کی جائے گی
ریاستی وزیر سبرتو ساہا نے ہائر سیکنڈری امتحانات پہلی پوزیشن حاصل کرنے والی رومانہ سلطانہ کو نہ صرف مرشدآباد بلکہ مغربی بنگال کی شان قرار دیا ہے۔
rumana sultana
دوسری طرف رومانہ سلطانہ نے کہا کہ آج سب کو اپنے قریب پا کر بے حد خوشی ہو رہی ہے. میں امید کرتی ہوں کہ مجھے ہمیشہ ہی تمام کی حمایت اور مدد ملتی رہے.
واضح رہے کہ گزشتہ روز مرشدآباد ضلع میں ہی وزیر فرہاد حکیم نے کہا تھا کہ ہائر سیکنڈری امتحانات میں اول مقام حاصل کرنے والی رومانہ سلطانہ کو لے کر سیاست یا بیان بازی کسی بھی قیمت پر درست نہیں ہے.
مالدہ ضلع ترنمول کانگریس کی صدر موسم بینظیر نور نے بھی رومانہ سلطانہ کی حماعت کا اعلان کرتے ہوئے ان پر تنقید کرنے والوں کو آڑے ہاتھوں لیا تھا