مغربی بنگال بھارتیہ جنتا پارٹی کے ریاستی صدر دلیپ گھوش نے کہا کہ' گورنر جگدیپ دھنکر کی وزیرداخلہ سے ملاقات پر تنقید نہیں کرنی چاہئے۔ انہوں نے کہا کہ' کسی بھی ریاست کے گورنر کو وزیرداخلہ سے ملاقات کرنے کا آئینی حق حاصل ہے۔ لیکن گورنر جگدیپ دھنکر اور وزیر داخلہ کی ملاقات پر ہنگامہ کیوں؟
دلیپ گھوش نے گورنرجگدیپ دھنکر کا دفاع کیا بی جے پی کے ریاستی صدر کا کہنا ہے کہ' مغربی بنگال کی حکمراں جماعت ترنمول کانگریس، کانگریس، سی پی آئی ایم کے رہنماؤں کو اتنی تکلیف کیوں ہو رہی ہے یہ سمجھ سے پرے ہے۔ بی جے پی کے رکن پارلیمان کے مطابق وزیر داخلہ سے ملاقات کے بعد گورنر جگدیپ دھنکر نے پریس کانفرنس کرکے جو باتیں کہی ہے وہ صد فیصد سچ ہے'۔
دلیپ گھوش نے گورنرجگدیپ دھنکر کا دفاع کیا انہوں نے کہا کہ' مغربی بنگال کی صورتحال بہت خراب ہے۔ یہاں حکمراں جماعت ترنمول کانگریس پولیس اور غنڈوں کی مدد سے حکومت کر رہی ہے۔ دلیپ گھوش کا کہنا ہے کہ' اگر ریاست کی موجودہ صورتحال اچھی ہوتی تو بی جے پی کے رہنماؤں کو جان گنوانی نہیں پڑتی'۔
مزید پڑھیں:
واضح رہے کہ' گورنر مغربی بنگال جگدیپ دھنکر نے دہلی میں وزیر داخلہ امت شاہ سے ملاقات کے بعد پریس کانفرنس کرکے ریاست کی موجودہ صورتحال پر تبادلہ خیال کیا۔ اس کے بعد ترنمول کانگریس، کانگریس اور بائیں محاذ نے گورنر کے پریس کانفرنس کرنے پر جم کر تنقید کی۔
