ریاست مغربی بنگال کے دارالحکومت کولکاتا کے ایک نجی ہسپتال میں زیر علاج بی سی سی آئی کے صدر سورو گانگولی کی صحت میں تیزی سے بہتری آرہی ہے، ڈاکٹر آفتاب خان نے کہا کہ دل کے آرٹری میں دو اسٹین بیٹھائے جانے کے 24 گھنٹوں بعد دادا کی حالت تشفی بخش ہے۔
ڈاکٹر نے کہا کہ آرٹری میں اسٹین بیٹھانے کے بعد دادا کو ڈاکٹروں کی نگرانی میں رکھا گیا تھا، اس دوران انہیں کسی بھی قسم کی کوئی پریشانی نہیں ہوئی۔
انہوں نے کہا کہ دادا کو اتوار کی صبح ساڑھے دس بجے ہسپتال سے ڈسچارج کر دیا جائے گیا، اس کے بعد وہ تین چار دنوں بعد معمول کی زندگی گزارنے لگے گیں، ڈاکٹر آفتاب خان نے مزید کہا کہ ڈاکٹروں کی ٹیم سورو گنگولی کی صحت میں آنے والی تبدیلی پر گہری نظر رکھیں گے۔
واضح رہے کہ چند روز قبل بھارتی کرکٹ ٹیم کے سابق کپتان سورو گنگولی کو سینے میں درد کی شکایت پر ہسپتال میں داخل کرایا گیا تھا، اس سے پہلے دو جنوری کو بھی سینے تکلیف کی شکایت کے بعد سورو گنگولی کو ہسپتال داخل کرایا گیا تھا جہاں چھ دنوں تک وہ زیر علاج تھے۔