سوگتا رائے کا گورنر جگدیپ دھنکر کو مشورہ

ترنمول کانگریس کے سنئیر رہنما اور رکن پارلیمان سوگتا رائے نے گورنر جگدیپ دھنکر کو کسی بھی معاملے میں سوچ سمجھ کر بولنے کا مشورہ دیا۔

مغربی بنگال کے شمالی 24 پرگنہ کے دمدم سے ترنمول کانگریس کے رکن پارلیمان سوگتا رائے نے کہا کہ گورنر جگدیپ دھنکر کو بلاوجہ بیان بازی کرنے سے پرہیز کرنا چاہئے۔ سوگتا رائے نے کہا کہ گورنر جگدیپ دھنکر آئینی سربراہ ہیں جبکہ انہیں اس بات کی قدر کرنا چاہئے اور کسی بھی معاملے میں بیان دینے سے قبل سوچ سمجھ کر بولنا چاہئے۔

ترنمول کانگریس کے سنئیر رہنما کا کہنا ہے کہ وزیراعلیٰ کی ریویو میٹنگ میں شرکت سے متلق بیان بازی سے گورنر پرہیز کرنا چاہئے۔ ممتا بنرجی کی ریویو میٹنگ میں نہ جانے کو سیاہ دن قرار دینے پر سوگنا رائے نے گورنر پر برہمی کا اظہار کیا۔ سوگتا رائے نے کہا کہ مغربی بنگال حکومت ریٹائرڈ چیف سکریٹری الاپن بنرجی کے ساتھ کھڑی ہے۔

واضح رہے کہ گزشتہ روز گورنر جگدیپ دھنکر نے ٹویٹ کرتے ہوئے کہا تھا کہ وزیراعلیٰ ممتا بنرجی پہلے ہی وزیراعظم نریندر مودی کی میٹنگ کا بائیکاٹ کرنے کا من بنا چکی تھیں، انہوں نے اسے سیاہ دن قرار دیا۔