سابق پولیس کمشنر ہمایوں کبیر ترنمول کانگریس میں شامل

چندن نگر کے سابق پولیس کمشنر ہمایوں کبیر نے آج کالنا میں ممتا بنرجی کی جلسے میں ترنمول کانگریس میں شمولیت اختیار کی ، رواں ماہ ہی انہوں نے چندن نگر کے کمشنر کے عہدے سے استعفیٰ دیا تھا۔ ان کے سبکدوشی میں چار ماہ ہی رہ گئے تھے۔

مغربی بنگال کی سیاست میں آہستہ آہستہ سرگرمی میں اضافہ ہو رہا ہے۔کئی رہنما ایک سیاسی جماعت چھوڑ کر دوسرے میں شامل ہو رہے ہیں تو وہیں دوسری جانب نئے چہرے بھی سیاسی میدان میں قسمت آزمانے کے لیے اتر رہے ہیں۔

ایسی ہی ایک تبدیلی کے مطابق آج ہگلی ضلع کے چندن نگر کے کمشنر رہے ہمایوں کبیر نے بردوان کے کالنا میں وزیراعلیٰ ممتا بنرجی کے جلسے کے دوران ترنمول کانگریس میں شامل ہوئے۔

رواں ماہ میں ہی انہوں نے پولیس کمشنر کے عہدے سے ذاتی وجوہات کے بنا پر استعفیٰ دے دیا تھا۔ ابھی ان کی سبکدوشی میں چار ماہ باقی رہ گئے تھے۔

اسی وقت سے یہ قیاس آرائیاں شروع ہوگئیں تھی کہ وہ ترنمول کانگریس میں شمولیت اختیار کرنے والے ہیں۔

سابق پولیس کمشنر ہمایوں کبیر ترنمول کانگریس میں شامل

آج انہوں نے باضابطہ طور پر ترنمول کانگریس میں شامل ہو کر اپنی سیاسی کیرئیر کی شروعات کی۔

واضح رہے کہ چند ماہ قبل ہی ان کی اہلیہ انندیتا داس ترنمول کانگریس میں شامل ہوئی تھیں۔

سابق وزیراعلی بدھادیب بھٹاچاریہ کے ساتھ بھی ہمایوں کبیر کے بہت قریبی تعلقات رہے تھے اور سنہ 2003 آئی پی ایس بیچ سے ہمایوں کبیر کا تعلق ہے۔

پولیس کی ملازمت کے دوران ان کا ریکارڈ بہت اچھا رہا ہے، اس کے علاوہ ادب میں بھی دلچسپی رکھتے ہیں اور اخباروں میں ان کے کالم بھی شائع ہوتے رہے ہیں۔

پولیس کے ملازمت کے دوران انہوں نے بنگال کے مختلف اضلاع میں کام کیا ہے وہ مرشدآباد کے سپریٹنڈنٹ آف پولیس رہے پھر بیرکپور پولس کمشنریٹ میں ڈی سی صدر رہے۔

اس کے بعد کولکاتا پولیس کے معاون کمشنر بنے اور آج میں چندن نگر کے پولیس کمشنر کی ذمہ داری کے سنبھالی تھی۔