سیشیر ادھیکاری کے وائرل ویڈیو پر ترنمول کانگریس رہنما کا در عمل

ترنمول کانگریس سے رکن پارلیمان کلیان بنرجی نے سیشیر ادھیکاری کے وائرل ویڈیو پر رد عمل دیتےہوئے کہا کہ' جن کو جہاں جانے ہے جائے، ہم 200 سے زائد سیٹوں پر کامیاب ہوں گے'۔

در اصل ترنمول کانگریس کے خلاف بغاوت کا بگل بجانے والے اور بعد ازاں بی جے پی میں شامل ہونے والے شوبھندو ادھیکاری کے والد سیشیر ادھیکاری اور لاکٹ چٹرجی کا ایک ویڈیو سوشل میڈیا پر وائرل ویڈیو ہورہا ہے جس میں سیشیر یہ کہتے ہوئے نظر آرہے ہیں کہ ممتا بنرجی نے شوبھندو ادھیکاری کے سیاسی سفر کو ختم کرنے کے لیے نندی گرام سے امیدوار بننے کا فیصلہ کیا ہے۔

شوبھندو ادھیکاری کے والد سیشیر ادھیکاری کا کہنا ہے کہ ممتا بنرجی نے نندی گرام سے اسمبلی انتخابات لڑنے کا فیصلہ اسی لیے کیا ہے کہ وہ میرے بیٹے کے سیاسی سفر کا خاتمہ چاہتی ہیں۔ ان کے مطابق شوبھندو ادھیکاری، ٹی ایم سی رہنما ابھیشیک بنرجی کے سیاسی کریئر کو ختم کرنا چاہتے تھے اسی لیے ممتا بنرجی نے میرے بیٹے کے سیاسی کریئر کو ختم کرنے کا فیصلہ کیا ہے۔ سیشیر ادھیکاری یہ بھی کہتے ہیں کہ ان کے رہتے ہوئے ممتا ایسا کبھی نہیں کر پائیں گی'۔

سیشیر ادھیکاری اور لاکٹ چٹرجی کے وائرل ویڈیو پر ترنمول کانگریس رہنما و رکن پارلیمان کلیان بنرجی نے رد عمل دیتے ہوئے کہا کہ' ان کی مرضی وہ کس پارٹی میں جانا چاہتے ہیں اور کس پارٹی میں رہنا چاہتے ہیں وہ ان کی مرضی پر منحصر ہے۔ لیکن ٹی ایم سی اسمبلی انتخابات 2021 میں 200 سے زائد سیٹوں پر جیت درج کرے گی اور تیسری دفعہ اقتدار میں واپس آئے گی۔'

وزیر اعظم نریندر مودی کے کانتھی میں آئندہ 24 مارچ کو ہونے والے انتخابی جلسے کی تیاریوں کا جائزہ لینے کے لیے لاکٹ چٹرجی کانتھی پہنچی تھیں، جہاں سے انہوں نے شوبھیندو ادھیکاری کے گھر جاکر سیشیر ادھیکاری سے ملاقات کی اور ان کے گھر کھانا کھایا۔ اس درمیان ان کے درمیان یہ ساری بات چیت ہوئی۔ سیشیر ادھیکاری کی بھی بی جے پی میں شامل ہونے کی قیاس آرائیاں کی جا رہی ہیں۔'