Preparations to Welcome Ramadan: جنوبی 24 پرگنہ میں ماہ رمضان المبارک کے استقبال کے لئے تیاریاں زور وشور سے جاری

جنوبی 24 پرگنہ کے کیننگ سے ترنمول کانگریس کے رکن اسمبلی شوکت ملا نے کہا کہ رمضان المبارک کے مہینے میں سڑکوں پر لگنے والے بازاروں اور دکانوں کو اور بہتر طریقے سے اہتمام کرنے کا منصوبہ ہے۔ Preparations to Welcome Ramadan

مغربی بنگال کے جنوبی 24 پرگنہ کے کیننگ سے ترنمول کانگریس کے رکن اسمبلی شوکت ملا نے کہا کہ بازار اور دکانیں روزانہ لگتی ہیں۔ بازاروں میں روزانہ لوگوں کی بھیڑ ہوتی ہے لیکن رمضان المبارک کے مہینے میں بہت کچھ بدل جاتا ہے۔ انہوں نے کہا کہ لوگوں کو تکلیف و پریشانی سے بچانے کے لئے ہی خصوصی انتظامات کیے جائیں گے۔ خریداری کے لئے آنے والے لوگوں کو کسی بھی طرح کی کوئی پریشانی درپیش نہ ہو۔ ان کا کہنا ہے کہ کیننگ ایک مصروف علاقہ ہے۔ کیننگ کے علاوہ دوسرے علاقے سے لوگ خریداری کے لیے یہاں آتے ہیں چونکہ یہاں بڑے بڑے ہاٹ لگتے ہیں جس کی وجہ سے بھیڑ زیادہ ہوتی ہے۔

رکن اسمبلی کے مطابق اس مہینے کے دوران مختلف علاقوں میں صاف صفائی کا زیادہ خیال رکھا جاتا ہے۔ متعلقہ اداروں کو اس سلسلے میں ہدایت دی جا چکی ہے۔ مغربی بنگال کے جنوبی 24 پرگنہ کے بیشتر مسلم اکثریتی علاقوں تاریخی میٹیا برج، گارڈن ریچ، بھانگوڑ، کیننگ،ڈائمنڈ ہاربر، بروئی پور میں ماہ رمضان المبارک کے استقبال کے لئے تیاریاں زور شور سے جاری ہے۔