سی اے اے پر بی جے پی کی نیت ظاہر: چدمبرم

سابق وزیر داخلہ پی چدمبرم نے بی جے پی کے انتخابی منشور پر تنقید کرتے ہوئے کہا کہ بی جے پی کے 'زہریلے ایجنڈے' کا انکشاف ہو گیا ہے۔ انہوں نے آسام و مغربی بنگال کے عوام سے بی جے پی کے خلاف فیصلہ کن ووٹ کرنے کی اپیل کی ہے۔

سابق مرکزی وزیر داخلہ پی چدمبرم نے پیر کے روز بی جے پر تنقید کرتے ہوئے کہا کہ 'بھارتیہ جنتاپارٹی نے مغربی بنگال اسمبلی انتخابات کے منشور میں اپنا اصلی چہرہ ظاہر کردیا ہے۔ بی جے پی نے مغربی بنگال کے انتخابی منشور واضح طور پر کہا ہے کہ حکومت سازی کے پہلے ہی دن بی جے پی شہریت ترمیمی قانون (سی اے اے) نافذ کرے گی۔

سابق مرکزی وزیر داخلہ پی چدمبرم نے پیر کے روز بی جے پر تنقید

چدمبرم نے کہاکہ 'سی اے اے ملک کو تقسیم کرے گی، مسلمانوں کے خلاف امتیازی سلوک پیدا کرے گی اور لاکھوں بھارتیوں کو ان کی شہریت کے حق سے محروم کرے گی۔ لاکھوں غریب اور قانون کی پاسداری کرنے والے شہریوں خاص طور پر مسلمانوں کے ذہنوں میں خوف پیدا کرنے کا ہے کہ انہیں حراستی کیمپوں میں بھیج دیا جائے گا'۔

انہوں عوام سے اپیل کی کہ آسام اور بنگال کے لوگ بی جے پی اور اس کے 'زہریلے ایجنڈے' کو شکست دینے کے لیے فیصلہ کن ووٹ دیں۔

وزیر داخلہ امت شاہ نے اتوار کے روز بی جے پی کا انتخابی منشور جاری کیا، جس میں کہا گیا ہے کہ بی جے پی اقتدار میں آنے پر سی اے اے کو کابینہ کے پہلے اجلاس میں نافذ کریں گے۔

شاہ نے منشور جاری کرتے ہوئے کہا "ہم نے اپنے منشور کو 'قرارداد لیٹر' کہنے کا فیصلہ کیا ہے۔ یہ صرف ایک منشور نہیں ہے، بلکہ ملک کی سب سے بڑی پارٹی کے ذریعہ مغربی بنگال کے لیے ایک قرارداد ہے۔ اور بی جے پی کے منشور کے مرکز میں 'سونار بنگلہ' ہے۔