بنگال میں ساتویں، آٹھویں مرحلے کے لیے نوٹیفکیشن جاری

نوٹیفکیشن جاری ہونے کے ساتھ ہی پرچہ نامزدگی داخل کرنے کا عمل شروع ہو گیا ہے۔

الیکشن کمیشن نے مغربی بنگال اسمبلی کے ساتویں اور آٹھویں مرحلے کی 71 سیٹوں پر الیکشن کے لیے نوٹیفکیشن بدھ کے روز جاری کر دیاہے۔

ساتویں مرحلے میں ریاست کے پانچ اضلاع کی 36 سیٹوں پر الیکشن ہوگا۔ اس مرحلے میں مالدہ پارٹ-1 ، کولکاتا جنوب، مرشد آباد پارٹ-1، مغربی وردھمان اور جنوبی دیناج پور میں 26 اپریل کو ووٹ ڈالے جائیں گے۔

وہیں آٹھویں مرحلے میں چار اضلاع کی 35 سیٹوں پر الیکشن ہوگا۔ اس مرحلے میں مالدہ پارٹ-2 کولکاتا نارتھ، مرشدآباد پارٹ ٹو اور ویر بھوم اضلاع میں 29 اپریل کو ووٹنگ ہوگی۔

نوٹیفکیشن جاری ہونے کے ساتھ ہی پرچہ نامزدگی داخل کرنے کا عمل شروع ہو گیا ہے۔

یو این آئی