مشرقی ریلوے نے بیرکپور اور لال گولہ کے درمیان نئی پیسجنر ٹرین خدمات Passenger train services شروع کرنے کا اعلان کیا۔ آج سے ہی اس سمت میں ٹرین سروس شروع ہو گئی۔
مغربی بنگال کے شمالی 24 پرگنہ کے بیرکپور اسٹیشن پر شاندار تقریب کے دوران مشرقی ریلوے نے بیرکپور اور لال گولہ پیسجنر ٹرین خدمات شروع کی۔ اس موقع پر بیرکپور پارلیمانی حلقے سے بی جے پی کے رکن پارلیمان ارجن سنگھ اور رانا گھاٹ سے بی جے پی جگن ناتھ شرما نے بیرکپور سے لال گولہ نئی پیسجنر ٹرین کو ہری جھنڈی دکھائی۔ Passengers Train Service Resume Between Barrackpore Lalgola: بیرکپورسےلال گولہ کے درمیان نئی پسجنرٹرین خدمات شروع
ذرائع کے مطابق سیالدہ مین سیکشن میں مرشدآباد کے لال گولہ تک جانے کے لئے مسافروں کو سیالدہ جانا پڑتا تھا۔ اس کے لئے مسافروں کو اضافی سفری اخراجات برداشت کرنے پڑتے تھے لیکن بیرکپور لال گولہ پیسنجر ٹرین سروس شروع ہونے سے مسافروں کو اضافی اخراجات اور پریشانیوں سے راحت مل سکتی ہے۔
ڈی آر ایم کا کہنا ہے کہ بیرکپور - لال گولہ کے درمیان چلنے والی ٹرین کے کوچ (coaches) کپورتھلہ ریلوے فیکٹری میں بنائی گئی۔ یہ مکمل طور پر جدید طرز کے کوچ ہیں۔ انہوں نے کہا کہ اس ٹرین میں گنجائش سے تیس فیصد اضافی مسافر بغیر کسی پریشانی کے سفر کر سکتے ہیں۔ اس ٹرین میں جدید ٹیکنالوجی کا بھی استعمال کیا گیا ہے۔
بیرکپور - لال گولہ کے درمیان چلنے والی پیسنجر ٹرین سروس کے لئے منعقد تقریب بھی سیاست سے پاک نہ رہ سکی۔ بی جے پی کے دو ارکان پارلیمان ارجن سنگھ اور جگن ناتھ تقریب میں موجود رہے تو بیرکپور سے ترنمول کانگریس کے رکن اسمبلی راج چکرورتی سمیت دیگر حکمراں جماعت کے رہنماؤں نے تقریب سے دوری بنائے رکھی تھی۔