ترنمول کانگریس کے نے مذکورہ سی آر پی ایف جوان کے خلاف سخت کارروائی کا مطالبہ کیا ہے۔ اس سلسلے میں تارکیشور تھانہ میں اس کے خلاف ایف آئی آر بھی درج کرائی گئی ہے۔
مغربی بنگال میں تیسرے مرحلے کی پولنگ کے دوران ہگلی ضلع کے تارکیشور اسمبلی حلقہ میں جہاں آج ووٹ ڈالے گئے وہاں ایک ناخوشگوار واقعہ بھی پیش آیا۔
الیکشن ڈیوٹی پر تعینات ایک سی آر پی ایف جوان پر الزام ہے کہ اس نے آج صبح پولنگ شروع ہونے سے قبل رام نگر پرائمری اسکول کے قریب ایک کمسن لڑکی کے ساتھ زیادتی کی۔ جس کے بعد جوان کو مقامی لوگوں کے غصے کا سامنا کرنا پڑا۔ اس واقعہ کے خلاف ترنمول کانگریس کی طرف الیکشن کمیشن میں تحریری طور پر شکایت درج کرائی گئی ہے'۔
سی آر پی ایف جوان پرکمسن لڑکی کے ساتھ جنسی زیادتی کا الزام ترنمول کانگریس کا کہنا ہے کہ بنگال جہاں اسمبلی انتخابات جاری ہیں اور امن و امان کے تحفظ کے لیے تعینات سی آر پی ایف جوان کی جانب سے اس طرح کی حرکت نے سب شرمسار کردیا ہے۔ ترنمول کانگریس کا کہنا ہے کہ آزادانہ اور منصفانہ انتخابات کرانے میں مرکزی فورسز تو ناکام تھے ہی اب یہ لوگ اس طرح کی غیر اخلاقی حرکتوں میں بھی ملوث پائے جا رہے ہیں۔ اس واقعہ کے بعد سے متاثرہ کمسن لڑکی اور اس کے اہل خانہ دہشت میں ہیں۔ کمسن لڑکی کے ساتھ جنسی زیادتی کے واقعہ نے علاقے میں ووٹنگ کے عمل کو بھی متاثر کیا ہے اور آزادانہ اور منصفانہ انتخابات کے امیدوں کو معدوم کیا ہے۔ علاقے کے لوگوں میں سی آر پی ایف کی تعیناتی سے مقامی افراد غیر محفوظ محسوس کر رہے ہیں۔'
ترنمول کانگریس نے اس پورے واقعے کی تفصیلی اور منصفانہ جانچ کا مطالبہ کیا ہے۔ تارکیشور اسمبلی حلقہ کے لوگوں کے تحفظ کو یقینی بنانے اور آزادانہ اور منصفانہ انتخابات کرانے کا بھی مطالبہ کیا گیا ہے۔
