ریاستی وزیر خوراک جیوتی پریہ ملک کورونا سے متاثر

مغربی بنگال کے وزیر خوراک جیوتی پریہ ملک بھی کورونا وائرس سے متاثر ہو گئے ہے اور انہیں کلکتہ ایک پرائیوٹ ہسپتال میں داخل کرایا گیا ہے۔ اتوار کی صبح سے ہی ملک کی طبیعت خراب تھی۔

پارٹی ذرائع کے مطابق اتوار کی صبح سے ہی ملک کی طبیعت خراب تھی اور شام میں ان کی جانچ کرائی گئی تو معلوم ہوا کہ وہ کورونا وائرس سے متاثر ہیں اور انہیں فوری طور سالٹ لیک میں واقع رہائش گاہ سے ہسپتال منتقل کیا گیا۔
ڈاکٹروں نے بتایا کہ ان کی طبیعت ٹھیک ہے مگر ان کا شوگر بہت ہی زیادہ بڑھا ہوا ہے اس لئے انہیں نگرانی میں رکھا گیا ہے۔ جو لوگ ا ن کے رابطے میں آئے ہیں انہیں کورونا کی جانچ کرانے کا مشورہ دیا گیا ہے اور ان کی رہائش گاہ کو سنیٹائز کیا جارہا ہے۔
اس سے قبل ریاستی وزیر فائر بریگیڈ سوجیت بوس اور ریاستی وزیر سواپن دیب ناتھ کورونا سے متاثر ہوگئے تھے مگر اب یہ دونوں صحت مند ہیں۔