Rampurhat Killing: فرہاد حکیم نے رامپور ہاٹ واقعہ پر سیاست کرنے کا اپوزیشن پر لگایا الزام

ریاستی وزیر فرہاد حکیم نے اپوزیشن جماعتوں پر تنقید کرتے ہوئے کہا کہ ایک حادثے میں ہلاک ہونے والے لوگوں کی لاشوں پر سیاست کرنے پر تشویش کا اظہار کیا ہے۔انہوں نے کہا رامپور ہاٹ میں آٹھ لوگوں کی موت ہوئی ہے. اس پرتمام لوگوں کو افسوس ہے. اس معاملے کی جانچ کے لئے ایس آئی ٹی قائم کر دیا گیا ہے اور بہت جلد قصورواروں کی گرفتاری عمل میں آ سکتی ہے۔WB Minister Firhad Hakim Criticises Opposition Parties

مغربی بنگال کے رامپور ہاٹ تھانہ کے باگٹی گاؤں میں آتشزنی کے واقعے میں دو بچوں سمیت آٹھ لوگوں کی موت کا معاملہ طول پکڑ چکا ہے۔حکمراں جماعت ترنمول کانگریس اور اپوزیشن جماعتوں کے درمیان رامپور ہاٹ سانحہ کو لے کر الزام تراشی اور لفظی جنگ بھی عروج پر پہنچ چکی ہے۔اسی درمیان ریاستی وزیر فرہاد حکیم نے اپوزیشن جماعتوں پر تنقید کرتے ہوئے کہا کہ ایک حادثے میں ہلاک ہونے والے لوگوں کی لاشوں پر سیاست کرنے سے اپوزیش جماعتوں کو گریز کرنا چاہیے۔WB Minister Firhad Hakim Criticises Opposition Parties

وزیر فرہاد حکیم نے کہا کہ رامپور ہاٹ میں آٹھ لوگوں کی موت ہوئی ہے. اس پر تمام لوگوں کو افسوس ہے۔ اس معاملے کی جانچ کے لئے ایس آئی ٹی قائم کر دیا گیا ہ ،اور بہت جلد قصورواروں کی گرفتاری عمل میں آ سکتی ہے۔انہوں نے کہا کہ اس معاملے میں اپوزیشن جماعتوں کا رویہ تشویش کا باعث ہے، اپوزیشن جماعتیں غریب معصوم لوگوں کی لاشوں پر سیاست کر رہی ہیں، ایسا لگتا ہے کہ اپوزیشن جماعتیں اس واقعے کے سہارے اپنی کھوئی ہوئی سیاسی زمین واپس حاصل کر لیں گی۔

انہوں نے مزید کہا کہ اپوزیشن جماعتوں کی لاشوں پر سیاست کا کھیل کھیلنا مایوس کن ہے اور مغربی بنگال کے لوگ انہیں کبھی معاف نہیں کریں گے، واضح رہے کہ پیر کی شب رامپور ہاٹ تھانہ کے باگٹی پنچایت کے نائب پنچایت پردھان بھدو شیخ کی نامعلوم شرپسندوں کی جانب سے کئے گئے بم حملے میں موت ہوگئی تھی. اس واقعے کے چند گھنٹوں کے بعد دیر رات نامعلوم افراد نے باگٹی گاؤں کے دس سے بارہ گھروں میں آگ لگا دی تھی. آتشزدگی میں دو بچوں سمیت نو لوگوں کی موت ہوگئی تھی۔