میٹرو ٹرین کی تعداد بڑھانے کا فیصلہ

تہوار ختم ہوتے ہی کولکاتا میٹرو انتظامیہ نے کل سے میٹرو ٹرین کی تعداد میں اضافہ کرنے کا فیصلہ کیا ہے.

مغربی بنگال میں درگا پوجا ختم ہونے کے ساتھ تمام دفاتر کل سے کھل جائیں گے، کورونا کے سبب لوکل ٹرین خدمات معطل ہونے کے سبب عام لوگوں کو بڑی دشواریوں کا سامنا کرنا پڑ رہا ہے.

میٹرو انتظامیہ نے عام لوگوں کی پریشانیوں کے مدنظر کولکاتا میٹرو کی ٹرینوں کی تعداد میں اضافہ کرنے کا اعلان کیا ہے.

پوجا کے دوران 68 ٹرینیں چلائی جا رہی تھیں، اب نواپاڑہ کوی نذرالاسلام کے درمیان 152 ٹرینیں چلیں گی. واضح رہے کہ کورونا وائرس کے سبب گزشتہ 24 مارچ سے مغربی بنگال میں لوکل ٹرین خدمات معطل ہے.