ایم سی کے آر ڈی اے نے دہلی کے ڈاکٹروں کی حمایت کی

میڈیکل کالج کولکاتا ریسیڈنٹ ڈاکٹرز ایسوسی ایشن نے دہلی کے ڈاکٹروں کے غیرمعینہ احتجاج کی حمایت کا اعلان کیا ہے۔

مغربی بنگال کی میڈیکل کالج کولکاتا ریسیڈنٹ ایسوسی ایشن نے دارالحکومت دہلی میں تنخواہ سمیت دیگر مطالبات پر دہلی کے ڈاکٹروں کے احتجاج کی حمایت کا اعلان کیا۔

ایم سی کے آر ڈی سے منسلک ڈاکٹرز نے کہا کہ دہلی میں جو کچھ بھی ہو رہا ہے وہ بالکل غلط ہے ۔ڈکٹروں کا احتجاج بالکل جائز ہے۔

انہوں نے کہا کہ ایک طرف کورونا وائرس کے خلاف جنگ میں ڈاکٹروں کو فرنٹ لائن واریئرس کہا جاتا ہے اور دوسری طرف انہیں تنخواہ سمیت دیگر ضروری سہولتوں سے محروم رکھا جاتا ہے۔

ایسوسی ایشن کے اراکین کا کہنا ہے کہ اس میں کوئی شک نہیں ہے کہ ڈاکٹرز اپنی جان کو خطرے میں ڈال کر لوگوں کو کورونا سے بچانے کی کوشش کر رہے ہیں۔

لیکن اس کے بدلے میں ڈاکٹروں کو کیا مل رہا ہے دہلی کے ڈاکٹروں نے احتجاج شروع کیا تو پتہ چلا کہ انہیں چار مہینوں سے تنخواہ نہیں ملی ہے۔

انہوں نے کہا کہ ملک میں ایسے کئی ہسپتال ہے جہاں ڈاکٹروں کو اسی طرح کی پریشانیوں کا سامنا کرنا پڑ رہا ہے۔ ڈاکٹروں کی ذمہ داری کون لے گا۔

ایسوسی ایشن کا کہنا ہے کہ دہلی کے ڈاکٹروں کے مسائل جب تک حل نہیں ہو جاتے تب تک ہم کے ان کے مظاہرے کی حمایت جاری رکھیں گے۔

واضح رہے کہ دہلی میں ڈاکٹر تنخواہ میں اضافہ اور دیگر مطالبات کو لے کر کئی دنوں سے احتجاج کر رہے ہیں۔