اقلیتیوں کو خوفزدہ ہونے کی ضرورت نہیں: ممتا بنرجی

وزیراعلیٰ ممتا بنرجی نے کہا کہ بنگال میں رہنے والے تمام مذاہب کے افراد بالخصوص مسلمانوں کو کسی سے ڈرنے کی کوئی ضرورت نہیں ہے۔

مغربی بنگال کے شمالی دیناج پور کے رائے گنج اسٹیڈیم میں عوامی جلسے کو خطاب کرتے ہوئے وزیراعلیٰ ممتا بنرجی نے کہا کہ' ہم سب ایک ملک میں رہتے ہیں، جو دنیا کا سب سے بڑا جمہوری ملک ہے'۔

انہوں نے کہا کہ' جمہوری ملک میں رہنے والے تمام مذاہب کے لوگوں کو یکساں اہمیت اور مواقع حاصل ہیں، کسی کے ساتھ کوئی امتیازی سلوک نہیں کیا جا سکتا ہے'۔

متا بنرجی نے کہا کہ' بنگال میں رہنے والے تمام مذاہب کے لوگ بالخصوص مسلمانوں کو کسی سے ڈرنے کی کوئی ضرورت نہیں ہے، ترنمول کانگریس کی سربراہ کا کہنا ہے کہ' اقلیتی طبقوں کو ترقی کے موقع دیے گئے ہیں اور مستقبل میں بھی دیے جائیں گے'۔

انہوں نے کہا کہ' چند لوگ اقتدار میں آنے اور اس پر قبضہ برقرار رکھنے کے لئے اقلیتوں کو ڈرانے اور دھمکانے کی کوشش کرر ہے ہیں جو کسی بھی قیمت پر قبول نہیں ہے'۔

ممتا بنرجی نے کہا کہ' مسلمانوں، گورکھا اور دوسرے اقلیت طبقے سے جڑے چند لوگوں کو پریشان کرنے کی کوشش کی جارہی ہے، لیکن انہیں کامیاب ہونے نہیں دیں گے'۔

عوامی جلسے کو خطاب کرتے ہوئے وزیراعلیٰ ممتا بنرجی نے کہا کہ' اقلیتی طبقے کے بچوں کے لئے معیاری تعلیم مہیا کرانے کا انتظامات کئے گئے ہیں، اس کے علاوہ بنگال کے تقریباً ساڑھے نو لاکھ طالبات کو ٹیب یا اسمارٹ فون دینے کا فیصلہ کیا گیا ہے'۔